Filosofisk Salon – evni: Skomm

Filosofisk salon Magenta, gamla hotellinum í Miðvági

Reyðvín, breyð, ostur og ein eitt sindur nørdut samrøða. Við íblástri frá París í 1920unum, og frá tílíkum tiltøkum í Keypmannahavn, verða seks filosofiskar salonir á kaféini á Gamla Hotellinum í Miðvági komandi mánaðarnar. Her fáa vit eitt innlit í hetta fyri mong eitt sindur óvikomandi og torskilta øki. Tí hvat er heimsspeki ella filosofi? Hevur filosofi nakað við meg at gera? Og er heimspekin ein partur av míni tilveru? Fyri at kannað hetta nærri, ert tú boðin inn í eitt lívsfilosofiskt rúm við framløgum og samrøðum, ið taka útgangsstøði í einum filosofiskum hugtaki hvørja ferð á einum støði, har øll kunnu vera við, og við evnum, ið viðkoma okkum øll. Kvøldini byrja við einum uppleggi um evnið fyri kvøldið við heimspekinginum, Jógvan Dalbø Hansen. Síðan eru samrøður og møguleiki fyri at seta spurningar. Onkustaðni ímillum alt hetta er sjálvsagt tíð til eitt glas av víni og einum lítlum sigarsteðgi.

Atgongumerki á 150,- kunnu bíleggjast á tlf. +298 504959 / +298 286408 ella senda mail til info@magenta.fo.

Til ber eisini at senda ein mail til facebook síðuna okkum – Magenta, gamla hotellið í Miðvági.

Filofiskar Salonir 2015/16

Skrá:

16.09.15 kl. 20.00 – 22.00: Longsul
14.10.15kl. 20.00 – 22.00: Skomm
18.11.15 kl. 20.00 – 22.00: Frælsi
16.12.15 kl. 20.00 – 22.00: Takksemi
13.01.16kl. 20.00 – 22.00: Tvídráttur (splittelse)
17.02.16 kl. 20.00 – 22.00: Siðmenning (dannilisi)

Hósmorgunin 15.10.15 kl. 10.00 verður morgunkaffi við forkunnugum fyrilestri kl. 11.00 við heitinum, Týningarlegur.
Vagnur Streymoy kemur at vitja, og fer at greiða frá um týningarlegur undir øðrum veraldarbardaga.

Vit gleða okkum at síggja tykkum, og ikki minst til at hoyra áhugaverda fyrilesturin.

Kostnaður fyri morgunmatarbuffét við rundstykkjum, kaffi, te, juice, onkrum søtum og fyrilestri er 75 kr

Komandi hósmorgun kl. 10.00 verður aftur morgunkaffi á Gamla Hotellinum.

Kl. 11.00 verður fyrilestur við Óla Breckmann, ið ber heitið, Úr armóð til vælferð – Føroyar undir seinna veraldarbardaga. Fyrilestur og morgunmatur við runstykkjum, kaffi, te, juice ad. lib. 75,-

Hósmorgunin 29.10.15 kl. 10.00 – 12.00 verður aftur morgunkaffi.

Umframt morgunmat við runstykkjum, kaffi, te, juice og onkrum søtum, fær tú eisini áhugaverdan fyrilestur við Karl Jóhan Nielsen um Fo undir 2. vb og um Kríggsavnið í Miðvági fyri einans 75,- Fyrilesturin byrjar kl. 11.00. Vit gleða okkum at síggja tykkum 🙂